儀式感滿滿旋轉木馬打卡餐廳

有個鐘意打卡食甜品嘅朋友生日，就搵左間環境特別嘅餐廳同佢慶祝 餐廳裝修以歐美復古風為主，店內中間位置係一個旋轉木馬既坐位，有四個卡位，加上花草裝飾，感覺非常夢幻 店內仲設有大量梳化位，環境舒適，配以落地大玻璃，好似去左一間玻璃屋用餐一樣 菜式方面，大廚創意滿分，炮製出多款視覺效果一流嘅主題美食和飲品 當中既震震下疏乎厘奄列真係慶祝必點甜品 食品方面: 金橘檸檬梳打 : 有多款生果及金橘加入檸檬梳打，充滿鮮果味，岩曬炎炎夏日既飲杯 菠蘿帽子 : 賣相吸睛，面頭係一塊用焦糖燒至焦香嘅菠蘿，入便雪碧加菠蘿汁，真係一杯食得又飲得，打卡又靚嘅夏日特飲 特色炸茶樹菇，蛋黃醬 : 炸茶樹菇都係第一次試，外皮炸得香酥，口感清脆嫩滑，酥脆不腻，再蘸少少就更加美味 日式鐵板牛骨髓，鵝肝，雞蛋，牛柳飯 : 店員會即席將牛骨髓、雞蛋及牛柳一起炒，牛柳炒到四成熟剛剛好，口感一流，炒飯吸收牛骨髓嘅油脂、蛋汁及醬汁，充滿油香勁惹味，再加埋大大塊鵝肝，真係一個超豐富嘅鐵板飯 震震下疏乎厘奄列 : 下層係一個旋轉木馬，疏乎厘奄列用特選雞蛋製作，蛋味超香濃，份量好大，震下震下口感超鬆軟，而且每日限量 10份，一個儀式感滿滿甜品又點可以唔試 名稱：Dirty Skillet 地址：筲箕灣筲箕灣道393號形薈地下G12號舖 營業時間 : 1130-2230 前往方法：港鐵筲箕灣站 A2 出口, 步行約3分鐘 人均消費 : $200-400 🌱🌱🌱🌱🌱🌱🌱🌱🌱🌱🌱🌱🌱 歡迎大家支持埋我的 Facebook page FB page: https://www.facebook.com/barbaours/ #barbaours_ #barbabeau#barbapapa#shaukeiwan@dirtyskillethk #dirtyskillet#limegala #hkrestaurant#hkcafe#cafehk#cafe#souffle#merrygoround #hklife#lifestyle#DiscoverHongKong#hongkong#hkblogger#hkfoodie #foodphotography#foodstagram#foodblogger#foodstagram#foodie#instafood#iphonephotography #travel#travelgram#travelblogger #形薈#旋轉木馬 #UCreator#打卡美食#好去處#全新景點#chill#隱世打卡點